ජනාධිපතිවරයාගේ දේශිය ගමන් සඳහා ගිය වියදම් ලබාදීම ”බෑ” කියයි !

ජනාධිපති අනුර දිසානායක පසුගිය මාස 12 තුළ දේශිය සංචාර සහ නවාතැන් සඳහා කෙතරම් මුදලක් වියදම් කර ඇත්දැයි තමාට දැනුම් දෙන ලෙස තොරතුරු දැන ගැනීමේ පනත යටතේ මෙරට යූටියුබ් කරුවෙකු විසින් කරන ලද ඉල්ලීම ජනාධිපති ලේකම් කාර්යාලය විසින් ප්‍රතික්ෂේප කර ඇත.

2025 අගෝස්තු 27 දිනැති ලිපියකින් ජනාධිපති ලේකම් කාර්යාලයේ තොරතුරු නිලධාරියා මෙම යූටියුබ්කරුවාට දන්වා ඇත්තේ මෙම තොරතුරු ජනාධිපතිවරයාගේආරක්ෂක සංවේදී කරුණුවලට ඍජුවම සම්බන්ධ වී ඇති බැවින් තොරතුරු දැනගැනීමේ අයිතිවාසිකම් පනතේ 5(1)(b)(i) වගන්තිය යටතේ ප්‍රතික්ෂේප කර ඇති බවයි.

අභියාචකයා ප්‍රකාශ කළේ තම ඉල්ලීම ආරක්ෂක සංවේදී තොරතුරු සම්බන්ධව ඍජු සම්බන්ධයක් නොමැති බවත් තමා විමසා සිටියේ දේශිය සංචාර සහ නවාතැන් සඳහා වැය කළ මුළු පිරිවැය, එකතු කළ මුදල්, සංචාර / ස්ථාන වැනි මුල්‍ය වියදම් වැනි විෂයන් බවත් එවැනි විෂයන් හෙළි කිරීම (RTI) පනතට පාදක වන විනිවිදභාවයේ මූලධාර්මයට අනුව බැවින් එය ආරක්ෂාවට හානියක් නොවන බවයි.