අවදානම පෙන්නුවේ මාසෙකට කලින්! පෙර ක්‍රියා කිසිවක් නෑ!
1 min read
කාලගුණ විද්‍යා දෙපාර්තමේන්තුව, වර්තමානයේ රට මුහුණ පා ඇති දරුණු ගංවතුර, වැසි තත්වය හා සුළි සුලං ආපදාව පිළිබඳව අනාවැකි ඵල කරමින් රජයේ බලධාරීන්ට සිය වාර්තාව ලබාදී ඇත්තේ දැනට මාසයකට පෙර දී බව වාර්තා වී තිබේ. එහෙත් එම වාර්තාව පිළිබඳව කිසිදු සැළකිල්ලක් නොදැක්වීම විසින්, වත්මන් ආපදාව කළමනාකරණය කර ගැනීම පිණිස ගත යුතුව තිබුණු කිසිදු පූර්ව පියවරක් ගැනීමට බලධාරීන් අසමත්ව ඇති බව ආපදා කළමනාකරණ ප්‍රධානීන් චෝදනා කරති.
අනුර කුමාර පාලනය විසින් පිහිටුවන ලද අමාත්‍යාංශවල ආපදා කළමනාකරණයට අදාළ වෙනම අමාත්‍යාංශයක් පිහිටුවා නැත. එමෙන්ම, රට තුළ හදිසි තත්වයක් ප්‍රකාශයට පත් නොකිරීම විසින් දිසාපතිවරුන්ට හා ප්‍රාදේශීය ලේකම්වරුන්ට විපතට පත්වූවන්ට සහන සැළසීමට අවශ්‍ය මුදල් යෙදවීම ඉමහත් ගැටළුකාරී තත්වයක් බවට පත්ව තිබේ.
මේ වන විට ප්‍රාදේශිය ලේකම්වරුන්ට ලබා දී තිබෙන උපදෙස් අනුව, ඔවුන් විපතට පත් වූවන්ට සහන සැළසීම සඳහා කටයුතු කිරීමේදී වියලි ආහාර මිලදී ගත යුතුව තිබෙන්නේ ”ස.තො.ස” වෙළඳ සැල් තුළින් පමණි. බොහෝ ප්‍රදේශවල ස.තො.ස. වෙළඳසැල් පවතින ස්ථාන වෙත යාමට නොහැකි තත්වයක් උද්ගතව තිබෙන අතර, එසේ ගියද එම වෙළඳසැල් තුළ ප්‍රමාණවත් ආහාර නොපවතින බව ද පැවසේ. ප්‍රාදේශීය දේශපාලන නායකත්වය ද ගම් මට්ටමේ කිසිදු මැදිහත්වීමක් සිදු නොකරන බව ද වාර්තා වී තිබේ.
මාසයකට පෙර, මෙම ආපදා තත්වය පිළිබඳ පූර්ව අනතුරු ඇඟවීම් සිදු කර තිබිය දී ත්‍රිවිධ හමුදාව හා රාජ්‍ය අංශය ඒ සඳහා සූදානම් කිරීමත්, ආපදාවට වැඩි වශයෙන් ලක්විමේ අවදානම් සහිත ප්‍රදේශ තුළ ජනයා එම අවදානමෙන් ගලවා ගැනීම සඳහා ක්‍රියාමාර්ග සැළසුම් නොකර තිබීමත් මත ඇතිව ඇති විනාශය වැඩි වී ඇත. ඇතැම් ප්‍රදේශවලට අවශ්‍ය බෝට්ටු පවා නොමැති තත්වයක් උද්ගතව තිබේ. මේ පිළිබඳව වරකාපොළ සේවය කරන ප්‍රදේශීය ලේකම්වරයා (රන්ගන සංජීව) සිය සමාජ මාධ්‍ය ගිනුම ඔස්සේ බෝට්ටු ඉල්ලා සිටීමට සිදු වූ තත්වයෙන් පෙන්වා දෙන්නේ මෙම අවුල් සහගත තත්වය යි.
වරකාපොළ සේවය කරන ප්‍රදේශීය ලේකම්වරයා සිය සමාජ මාධ්‍ය ගිනුම ඔස්සේ තබා ඇති සටහන
ඌව පළාත් ප්‍රධාන ලේකම්වරිය තබා ඇති ෆේස්බුක් සටහන
දැනට වාර්තා වී ඇති ප්‍රමාණයට වඩා සිදුව ඇති මරණ සංඛ්‍යාව ඉහළ අගයක් ගනු ඇතැයි ප්‍රාදේශීය ආරංචි මාර්ග පෙන්ව දේ. ඇතැම් ප්‍රදේශවල ප්‍රවාහනය සම්පූර්ණයෙන් ඇන හිට ඇති අතර, සැපයුම් මාර්ග ද අඩාල වී තිබේ. මේ නිසා ඉදිරි දිනවල ආහාර හිඟයක් උද්ගත වීමේ අවදානමක් වෙතැයි වාර්තා වී තිබේ.
නුවරඑළිය නගරය වතුරෙන් යටවී ඇත්තේ 1945 වසරෙන් පසුව ප්‍රථම වතාවට ය. එසේ වීමට බලපා ඇත්තේ නියමිත අවස්ථාවේදී ග්‍රෙගරි වැවේ ජලය පිට කරන ස්ථාන විවිර නොකිරීම හේතු කොට ගෙන ය.
මෙම තත්වය මත වී, එළවළු වැනි බොහෝ වගාවන් සම්පූර්ණයෙන්ම විනාශ වී ඇත. වගා හානි පිළිබඳ තක්සේරුවක් සිදු කිරීමට පවා නොහැකි තත්වයක් වෙතැයි ප්‍රදේශීය නිලධාරීහු මැසිවිල නගති.
මේ අතර , මාසයකට පෙර මෙම අනතුරු ඇඟවීම සිදුකර තිබියදී ජනාධිපතිවරයා මීට දින දෙකකට පෙර සුභාෂ්කරන් අලිරාජා නැමැති කොටි ජාවාරම්කරුවාගේ හොර අබුව වන ජානකී වීරසිංහ හා ඇයගේ ව්‍යාජ සැමියා වන සනත් ගුණතිලක කැඳවා සිනමා කර්මාන්තය ගැන සාකච්ඡා සිදු කරමින් සිටියේය. මේ අන්දමට කාලය කා දැමූ ජනාධිපතිවරයා මේ දක්වා විපතට පත්ව ඇති ජනයා වෙනුවෙන් කිසිදු පියවරක් ගෙන නොමැත.
දූෂණ චෝදනාවන්ට ලක් කෙරෙනු ඇතැයි බිය නිසා රාජ්‍ය නිලධාරින් ද අවදානම ගෙන කිසිදු වියදමක් නොකරණ තත්වයක් ද උද්ගතව තිබේ. වර්ෂාව සහ සුළි සුලං තත්වය පහව යාමෙන් පසු දරුණු සමාජ චේදවාචකයකට මුහුණ දීමට සිදුවීම අනිවාර්ය බව බොහෝ දෙනෙකුගේ මතය වී ඇත.
කමල් ලියනගේ lankaundergroundnews වාර්තාකරු