MAS කර්මාන්ත ශාලා රැසක් වැසෙයි! මෙරට ඇඟලුම් ක්ෂේත්රය දෙදරයි!
1 min read
ශ්රී ලංකාවේ ආර්ථිකයට දැවැන්තම ශක්තියක් වූ ඇඟලුම් ක්ෂේත්රයට මරු පහරක් එල්ල කරමින්, අමලීන් පවුලට අයත් ප්රමුඛතම ඇඟලුම් සමාගමක් වන ‘MAS Holdings’ සිය කර්මාන්ත ශාලා කිහිපයක් වසා දැමීමට සහ දැවැන්ත සේවක කප්පාදුවකට මේ වන විට සැලසුම් කර ඇති බව වාර්තා වේ.
අදියර කිහිපයක් යටතේ ක්රියාත්මක වීමට නියමිත මෙම කප්පාදුව හරහා, දැනට 96,000ක් වන සමස්ත සේවක බලකාය 70,000 දක්වා අඩු කිරීමට පාලනාධිකාරිය තීරණය කර ඇත. ඒ අනුව, ශ්රී ලාංකිකයින් 26,000කට ආසන්න පිරිසකට නුදුරේදීම සිය ජීවනෝපාය අහිමි වනු ඇත.
වැසෙන ෆැක්ට්රි සහ ප්රායෝගික නොවන විසඳුම් හුදෙකලා කර්මාන්ත ශාලා වසා දැමීමේ සැලැස්ම යටතේ පසුගියදා තුල්හිරිය MAS ෆැබ්රික් පාර්ක් හි පිහිටි ‘MAS Kreeda Methliya’ වසා දැමුණු අතර, මීළඟට වානවිල් හි ‘MAS KREEDA Vaanavil’ සහ නිදහස් වෙළඳ කලාපවල පිහිටි ‘MAS Active’ කර්මාන්ත ශාලා වසා දැමීමට නියමිතය. මීට අමතරව රත්නපුර-හොරණ ‘MAS Bodyline’ හි ද සේවක කප්පාදුවක් සිදුකිරීමට සැලසුම් කර තිබේ.
ආයතනය විසින් මාස 3ක වැටුප් ගෙවීමක් සහ වෙනත් ශාලාවල රැකියා ලබාදීමට යෝජනා කළද, තුල්හිරියේ රැකියාව අහිමි වන සේවකයෙකුට රත්නපුරයෙන් රැකියාවක් ලබාදීම වැනි ප්රායෝගික නොවන තීරණ හේතුවෙන් සේවකයින් දැඩි අර්බුදයකට ලක්ව ඇත.
ලෝක ප්රකට සන්නාම සහ වෘත්තීය සමිති තහනම Victoria’s Secret, Nike, Adidas, Lululemon වැනි ලෝක ප්රකට සන්නාම සඳහා නිමැවුම් සිදුකරන MAS ආයතනය, එකී සන්නාමයන්හි ඉහළ සේවක අයිතීන් පිළිබඳ ප්රමිතීන්ට පටහැනිව ක්රියා කරන බවට චෝදනා එල්ල වේ. ආයතනය තුළ වෘත්තීය සමිති පිහිටුවීම සපුරා තහනම් කර ඇති බැවින්, මෙම අසාධාරණයට එරෙහිව හඬ නැගීමට සේවකයින්ට අවස්ථාවක් නොමැත.
BOI සහන භුක්ති විඳ ඉන්දියාවට පැන යාමක්? ශ්රී ලංකා ආයෝජන මණ්ඩලයෙන් (BOI) ලබාගත් අසීමිත බදු සහන මත දැවැන්ත ලාභයක් ඉපැයූ මෙම සමාගම්, දැන් අඩු ශ්රම හා විදුලි පිරිවැය සොයා සිය කර්මාන්ත ශාලා ඉන්දියාවට ගෙනයාමේ භූ-දේශපාලනික සහ ආර්ථික සැලසුමක නිරතව සිටී.
බලධාරීන්ගේ නිහඬතාව සහ කතුවරුන්ගේ කෝපි කෝප්පය මෙතරම් දැවැන්ත සේවක කප්පාදුවක් සිදුවෙමින් පවතිද්දී ප්රධාන මාධ්ය ඊට නිසි ප්රසිද්ධියක් නොදීම පිටුපස, ආයතන ප්රධානීන් සහ මාධ්ය ප්රධානීන් අතර සිදුවන “Coffee with Editors” වැනි ගනුදෙනු පවතින බවට ක්ෂේත්රයේ ප්රවීණයෝ චෝදනා කරති. එමෙන්ම, ගෝලීය වෙළඳපොළ බදු වෙනස්වීම් හමුවේ (විශේෂයෙන් ඇමරිකානු ආනයන බදු ඉහළ යාම්) ලංකා රජය නිසි රාජ්යතාන්ත්රික මැදිහත්වීමක් සිදු නොකිරීම මෙම ඛේදවාචකයට සෘජුවම බලපා ඇති බව ආර්ථික විශ්ලේෂකයින්ගේ මතයයි. රජය කඩිනමින් මැදිහත් නොවුණහොත්, ලංකාවේ ආර්ථිකයට සහ විදේශ විනිමය ඉපැයීමට මෙය මරු පහරක් වනු නිසැකය.
පුවත් එසැනින් බලන්න WhatsApp Group එක දැන්ම Follow කරන්න !
