තවත් මහාචාර්ය හොරෙක් මාට්ටු!

රාජ්‍ය පරිපාලන පළාත් සභා සහ පළාත් පාලන අමාත්‍ය චන්දන අබේරත්නගේ නමට මහාචාර්ය යැයි එකතු කරන ලෙස දැනුම් දී අමාත්‍යංශ ලේකම්වරයා රාජ්‍ය ආයතන වෙත ලිපියක් මගින් දැනුම් දී තිබේ.

එහි සඳහන් වන්නේ කැලණිය විශ්වවිද්‍යාලය ගරු අමාත්‍ය ආචාර්ය ඒ.එච්.එම්.එච්. අබයරත්නට සම්මානිත මහාචාර්ය පදවියක් පිරිනමා ඇති බවයි.

ඒ අනුව මෙතෙක් ඇමතිතුමාගේ නම ඉදිරියට යෙදූ ආචාර්ය පදවි නාමය වෙනුවට මහාචාර්ය නාමය යොදන ලෙස දැනුම් දී ඇත.

එම ලිපියට අනුව ඔහුට මහචාර්‍ය පදවිය ලැබෙන්නේ 2025 ඔක්තෝබර් 14 වන දිනයේදීය. එහෙත් 2024 ඔක්තෝබර මාසයේ ඔහුගේ ඡන්ද ප්‍රචාරණය සඳහා ඔහුගේ පෞද්ගලික Facebook පිටුව මගින් ප්‍රචාරය කරන ලද පෝස්ටුවෙහි සදහන්ව ඇත්තේ මහාචාර්ය ලෙසය.

නැති මහචාර්‍ය කමක් ප්‍රදර්ශනය කරමින් දේශපාලනය කර ඡන්ද ලබා ගැනීම අශෝක රණ්වල පන්නයේම සදාචාරාත්මක විරෝධී ක්‍රියාවක් බවට සදහන් පෝස්ටු ‍ෙමෙේ වන විට සමාජ මාධ්‍ය තුළ සංසරණය වෙමින් පවතී

රාජ්‍ය ආයතන වෙත යොමුකළ ලිපිය සහ 2024 ඔක්තෝබර් මාසයේ චන්දන අබේරත්න මහතාගේ ඡන්ද ප්‍රචාරක පොස්ටරයක් පහතින් දැක්වේ.