සමස්ත ලංකා දෙමළ කොංග්‍රසය යාපනයේ කයිට්ස් ප්‍රාදේශිය සභාවේ අය වැය පරාදයි
1 min read
යාපනයේ කයිට්ස් ප්‍රාදේශීය සභාවේ 2026 වසර සදහා වූ අයවැය යෝජනාවලිය ඡන්ද 7 කින් 24 දා පරාජය වී තිබේ.
සභාවාරය සභාපති සමස්ත ලංකා දෙමළ කොංග්‍රස් නායක අන්නාරාසාගේ ප්‍රධානත්වයෙන් පැවැත්වුණු අතර අයවැය යෝජනාවලිය සභාවට ඉදිරිපත් කළ අවස්ථාවේදී යෝජනාවලියට පක්ෂව ඡන්ද තුනක් පමණක් ලැබී තිබුණි.
ඊට විරුද්ධව ඡන්ද 10 ක් ප්‍රකාශ වීම නිසා ඡන්ද 7 කින් එම අයවැය යෝජනාව පරාජය වී තිබේ.
දෙමළ ඊළාම් විමුක්ති කොටි සංවිධානයේ නායක ප්‍රභාකරන් තමන්ට දෙමළ ඊළාම් විමුක්ති අරගලයේ යතුර ලබාදී ඇතැයි යන පවසමින් සමස්ත ලංකා දෙමළ කොංග්‍රසය (All Ceylon Tamil Congress) කටයුතු කරන අතර ඔවුන් දමිළ ක්‍රියාකාරීන් දිවි පිදූ දිනයන් වෙනම සමරීමට කටයුතු කළ සංවිධානයකි.