රනිල්ට එරෙහිව ත්රිපුද්ගල මහාධිකරණ විනිසුරු මඩුල්ලක්? නීතිපති දෙපාර්තමේන්තුවේ උණුසුම් තත්ත්වයක්!
1 min read
හිටපු ජනාධිපති රනිල් වික්රමසිංහ ට එරෙහි නඩු කටයුත්තක් ත්රිපුද්ගල මහාධිකරණ විනිසුරු මඩුල්ලක් (Trial-at-Bar) හමුවේ විභාග කිරීමට නීතිපති දෙපාර්තමේන්තුවේ අවධානය යොමුව තිබේ. මෙරට දේශපාලන සහ නීති ක්ෂේත්රය කැළඹූ මෙම පුවතේ ඇතුළාන්තය මෙසේය.
ලන්ඩන් සංචාරය සහ CID සාක්ෂි හිටපු ජනාධිපතිවරයා බ්රිතාන්යයේ කළ පෞද්ගලික සංචාරයකදී මහජන මුදල් (පොදු දේපළ) අවභාවිත කළ බවට එල්ල වූ චෝදනා සම්බන්ධයෙන් CID නිලධාරීන් ලන්ඩන් නුවරදී සොයාගත් සාක්ෂි ඉතා ප්රබල බව අනාවරණය වී ඇත. ලබන ජනවාරි 28 වැනිදා නඩුව නැවත කැඳවීමට නියමිතයි.
ඇයි ත්රිපුද්ගල විනිසුරු මඩුල්ලක්? මෙරට ඉතිහාසයේ විධායක ජනාධිපතිවරයෙකු අපරාධ වරදකට නීතිය හමුවට පමුණුවන පළමු අවස්ථාව මෙය වීම සහ සාක්ෂිවල ඇති සුවිශේෂී ප්රබලතාවය නිසා මෙම තීරණය ගැනීමට යෝජනා වී තිබේ.
නීතිපති දෙපාර්තමේන්තුවේ ‘සීතල යුද්ධය’ වත්මන් නීතිපතිවරයා පත් කිරීමේදී රනිල් වික්රමසිංහ මැදිහත් වූ බවට පවතින මතය නිසා මෙහිදී ‘ළබැඳියාවන් අතර ගැටුමක්’ (Conflict of Interest) මතුව ඇති බව වාර්තා වේ. නඩුව දියාරු කිරීමට දරන උත්සාහයන් හමුවේ වෘත්තීය මට්ටමේ නිලධාරීන් සහ ඉහළ පෙළේ බලධාරීන් අතර මතගැටුමක් නිර්මාණය වී ඇත.
ඉල්ලා අස්කරගත් නඩු යළි කරළියට පසුගිය කාලයේ දේශපාලන බලපෑම් මත අතහැර දැමූ ආන්දෝලනාත්මක නඩු 6න් 4ක්ම නැවත විභාග කිරීමට නිලධාරීන් එකඟතාවයකට පැමිණ ඇත. මෙය නීතියේ ආධිපත්යය තහවුරු වීමක් ද?
