බංග්ලාදේශ ක්රිකට් අගාධයට: ලෝක කුසලානයත් වර්ජනය කරන බවට ක්රීඩකයන්ගෙන් තර්ජනයක්!
1 min read
බංග්ලාදේශ ක්රිකට් ඉතිහාසයේ මෙතෙක් වාර්තා වූ බරපතළම අර්බුදය නිර්මාණය කරමින්, එරට ක්රීඩකයන් සියලුම ක්රිකට් ක්රීඩාවලින් ඉවත් වීමට (Boycott) තීරණය කර තිබේ. මේ හේතුවෙන් 2026 BPL තරගාවලිය මේ වන විටත් නතර වී ඇති අතර, ලබන මාසයේ පැවැත්වීමට නියමිත විස්සයි20 ලෝක කුසලානය (T20 World Cup) පවා වර්ජනය කිරීමට ක්රීඩකයන් සූදානම් බවට වාර්තා වෙයි.
මෙම දැඩි තීරණයට හේතු වී ඇත්තේ බංග්ලාදේශ ක්රිකට් පාලක මණ්ඩලයේ (BCB) අධ්යක්ෂවරයෙකු වන M. Najmul Islam විසින් ක්රීඩකයන්ට එරෙහිව කරන ලද අපහාසාත්මක ප්රකාශයි. හිටපු සුපිරි ක්රීඩක තමීම් ඉක්බාල්ව “ඉන්දීය ඒ ජන්තයෙකු ” ලෙස හැඳින්වීම සහ ක්රීඩකයන්ට ලබාදෙන මුදල් ආපසු අයකර ගතයුතු බවට ඔහු කළ ප්රකාශ සම්බන්ධයෙන් ක්රීඩකයන් දැඩි විරෝධය පළ කරයි.
නස්මුල් ඉස්ලාම්ව මූල්ය කමිටු සභාපති ධුරයෙන් ඉවත් කිරීමට BCB පියවර ගත්තද, ක්රීඩකයන් පවසන්නේ ඔහු පාලක මණ්ඩලයේ අධ්යක්ෂ ධුරයෙන්ම ඉල්ලා අස්විය යුතු බවයි. එසේ නොවුණහොත් කිසිදු තරගයකට ක්රීඩා නොකරන බවට ඔවුන් ලබා දුන් අවසාන නිවේදනයත් සමඟ බංග්ලාදේශ ක්රිකට් පාලනය සම්පූර්ණයෙන්ම අඩපණ වී තිබේ. මෙය විසඳීමට අපොහොසත් වුවහොත් බංග්ලාදේශයට මෙවර ලෝක කුසලාන සිහිනය පවා අහිමි වනු ඇත.
පුවත් එසැනින් බලන්න WhatsApp Group එක දැන්ම Follow කරන්න !
