සීනි වෙනුවට හදුන්ගේ හාල්

සුනිල් හඳුන්නෙත්තිගේ ආන්දෝලනාත්මක හඬපටයට තවමත් විපක්ෂය, ඊට සරිලන අවදානයක් ලබා දී නැහැ.
මෙය වෙනත් රටක සිදුවූවා නම් අමාත්‍යවරයාට ඉල්ලා අස් වීමට සිදුවන, රජය දැඩි අපහසුතාවයට පත්වන සිදුවීමක්.
දැනට අපට පැහැදිලි තොරතුරු අනූව ජාවාරම්කාර ව්‍යාපාරියෙක් බලපත්‍ර නොමැතිව, කුමන හෝ දෙයක් මෙරටට ආනයනය කර තිබෙනවා.
එය වරායේ දී රේගුව විසින් අත්අඩංගුවට ගෙන රඳවා ගෙන තිබෙනවා.
මෙහිදී ජාවාරම්කාර ව්‍යාපාරිකයා විසින් උදව් ඉල්ලන්නේ හඳුන්නෙත්තිගෙන්.
මෙවැනි ජාවාරමකට හඳුන්නෙත්තිගෙන් උදව් ඉල්ලීමට නම් ඔහු සමග ජාවාරම්කාර ව්‍යාපාරිකයාට සබඳතාවයක් තිබිය යුතුමයි.
එසේ නොමැති නම් කතා කළ යුත්තේ බිමල්ට හෝ රේගුව භාර ජනාධිපතිවරයාට. එසේත් නැති නම් වසන්ත සමරසිංහට.
නමුත් අදාල ව්‍යාපාරිකයාට මේ සියල්ලන්ටම වඩා හඳුන්නෙත්ති සමග සබඳතාවයක් පවතින බව පැහැදිලියි.
ආන්දෝලනාත්මක හඬ පටයේ දී හඳුන්නෙත්ති ප්‍රකාශ කරන්නේ බලපත්‍රය නොමැතිව ගෙන්වූ කාරණය ඔහුට ‘බේරීමට’ හැකි බව.
ඒ වචනය ඉතා වැදගත්. ඔහු ප්‍රකාශ කරන්නේ ‘බේරීමට හැකි බව’.
හඳුන් බේරන්නේ කුමකින්ද ?
දෙවැන්න හඳුන්ට ඇති ප්‍රශ්නය රේගුවෙන් දැනටම පවරා ඇති බද්ධ. එය රුපියල් ලක්ෂ 84 ක්.
ඔහු ව්‍යාපාරිකයාගෙන් අහන්නේ ඒ බදු මුදලට කරන්නේ මොකක්ද කියලා.
ඇතැම් විටෙක මෙය හඳුන්, ව්‍යාපාරිකයාගෙන් අල්ලස් ඉල්ලා සිටීමක් විය හැකියි.
මෙවැනි තල වලදී අල්ලස් ඉල්ලන්නේ මේ ආකාරයට.
‘කස්ටම් එකට ගෙවනවා නම් ලක්ෂ 84 යි. මට ලක්ෂ 50 ක් විතර දෙන්න. මම කට්ටියට කීය කීය හරි දීලා ශේප් කරලා දාන්නම්’.
මේ ආකාරයේ ගණුදෙනු, ජාවාරම් සිදුවන්නේ එහෙමයි.
ඊලග කාරණය, මේ සම්බන්ධයෙන් ආණ්ඩුවේ නිදහසට කරුණ චතුරංග අබේසිංහ ඊයේ, ආණ්ඩුවේ වොෂින් මැෂිම වන සිරසේ දී ප්‍රකාශ කළා.
බැලූ බැල්මටම හිනා යන ඒ කතාව තුළ දෝෂයන් කිහිපයක්ම තිබුණා.
පළමුවැන්න, මේ හඳුන්නෙත්ති සද්භාවයෙන් කළ ප්‍රකාශයක් ලෙසට චතුරංග හැඟවූවා.
නැහැ!
රේගුවෙන් ‘බේරීම’ කිසිසේත්ම සද්භාවයෙන් කරනා දෙයක් නොවෙයි.
දෙවැන්න, ඔබට මතක නම් කැරම් බෝර්ඩ් නඩුවට මහින්දානන්ද අලුත්ගමගේට වසර විස්සක සිරදඬුවම් නියම වුණා.
සැබැවින්ම මේ නඩුවට මහින්දානන්දගේ සම්බන්ධයක් තිබුණේ නැහැ.
ඔහු මේ කැරම් බෝර්ඩ් ගණුදෙනුවට සම්බන්ධ වූයේ එකම තැනක දී.
එනම් සතොස විසින් ගෙන්වූ කැරම් බෝර්ඩ් සඳහා රේගු බද්ධ නිදහස් කිරීමට ක්‍රීඩා අමාත්‍යංශයෙන් ලිපියක් නිකුත් කිරීම.
ඉන්පසුව කැරම් බෝර්ඩ් ක්‍රීඩා සමාජ අතර බෙදා දුන්නා. එය අල්ලසක් ලෙසට අර්ථකතනය වුණා.
මෙහිදී ව්‍යාපාරිකයා ගෙන ආ සහල් (හෝ කුමක් හෝ) නොමිලයේ බෙදා දෙනවා නම් එයත් නීතිය ඉදිරියේ අල්ලසක්.
එමෙන්ම කිසිදු අමාත්‍යවරයෙකුට රේගුවෙන් අනීතික භාණ්ඩ නිදහස් කළ නොහැකියි.
එය නීතිවිරෝධි ක්‍රියාවක්. බලය අයුතු ලෙස භාවිතා කිරීමක්.
එම නිසා මෙතැන දී හඳුන්නෙත්තිට ගැලවීමක් නැහැ.
මාලිමා රජයට අවම හෝ සදාචාරයක් ඇත්නම් දැන් හඳුන්නෙත්ති තනතුරින් ඉවත් කරමින් පරීක්ෂණ ආරම්භ කළ යුතුයි.
මාලිමාවට ඡන්දය ලබා දෙමින් ජනතාව ප්‍රාර්ථනා කළේ දියුණු සංස්කෘතියක් මිසෙක ඇමතිලා කන්ටේනර් පන්නන රටක් නොවෙයි.
වෙනත් රටක මෙය සිදුවූවා නම් අද එලෙස කන්ටේනර් පැන්වූ පුද්ගලයා තවදුරටත් පාර්ලිමේන්තු මන්ත්‍රීවරයක් නොවෙයි.
මාලිමාව පොරොන්දු වූයේත් එවැනි සංස්කෘතියක්.
මේ මාලිමාවේ දේශපාලන සදාචාරය පරීක්ෂා කෙරෙන ලිට්මස් පරීක්ෂණය.
අනුර ඇතුලු ආණ්ඩුව මේ සිදුවීමට මුහුණ දෙන්නේ කෙසේදැයි අද රටම බලා සිටිනවා.

උපුටා ගැනීම Sachin Rathwatte ෆේස්බුක් පිටුවෙන්