පුරාවිද්‍යා පුවරු ඉවත් කිරීම වළක්වන්න බෑ… නිලධාරීන්ට ජීවිත තර්ජන !
1 min read
අම්පාර – මඩකලපුව ප්‍රදේශිය කාර්යාල බල ප්‍රදේශයට අයත් පුරාවිද්‍යා කලාපයන්හි පිහිටුවන ලද පුරාවිද්‍යා පුවරු ප්‍රදේශිය දේශපාලකයන් ඇතුළු පිරිසක් විසින් අද (21) උදෑසන කාලයේ ගලවා ඉවත් කිරීම සම්බන්ධයෙන් අම්පාර – මඩකලපුව පුරාවිද්‍යා සහකාර අධ්යක්ෂ විසින් පුරාවිද්‍යා අධ්යක්ෂ ජනරාල්වරිය වෙත ලිපියක් යොමුකර ඇත.
එම ලිපිය මගින් දන්වා ඇත්තේ මෙම පුවරු ඉවත් කිරීමට යෑමේදී නිලධාරීන්ට ජීවිත තර්ජන පවා එල්ල කරන ලද අවස්ථා ඇති බැවින් ඒවා වැළැක්වීමට නිලධාරීන් යෙදවීම ද මේ අවස්ථාවේ සිදු කළ නොහැකි බවයි.
අදාල සම්පූර්ණ ලිපිය පහතින්
පුරාවිද්‍යා අධ්යක්ෂ ජනරාල් තුමියනි,
පුරාවිද්‍යා දිශා පුවරු ඉවත් කිරීමේ සිදුවීම් වාර්තා වීම සම්බන්ධයෙනි
අම්පාර මකලපුව ප්‍රාදේශීය කාර්යාල බල ප්‍රදේශයට අයත් කලාප අංක 01, 02, 03, 04, 05 පුරාවිද්‍යා කලාපයන්හි මෙම වසරේ අනුමත ව්‍යාපෘති යටතේ පසුගිය මාසයේ සිට යොදන ලද පුරාවිද්‍යා දිසා පුවරු ඇතැම් ප්‍රාදේශීය සභා වල සහ ඇතැම් පාර්ශවයන්ගේ මැදිහත්වීමෙන් අද දින උදෑසන කාලයේ ගලවා ඇති බවට සිදුවීම් කිහිපයක් වාර්තා වී ඇත.
- ඒවා වළක්වාලීමට යාමේදී නිලධාරීන්ට ජීවිත තර්ජන පවා එල්ල කරන ලද අවස්ථා ඇති වෙමින් පවතී. එනිසා ඒවා වැළැක්වීමට නිලධාරීන් යෙදවීම ද මේ අවස්ථාවේ සිදු කළ නොහැකි ය. මෙම තත්ත්වය ඊයේදින වෙල්ලාවලී ප්‍රාදේශීය ලේකම් කොට්ඨාසයේ ආශ්‍රිතව ඇති වූ තත්ත්වයේ දිගුවක් ලෙසද පෙන්වා දිය යුතුය.
- පොදු දේපළ හානි කිරීම යටතේ පැමිණිලි යෙදීමට මේ වන විට නිලධාරීන් කටයුතු කරමින් සිටින අතර ඇතැම් පොලිසි ස්ථාන පැමිණිලි බැහැර ගැනීමට නොහැකි බවද දන්වා ඇත.
- ලිඛිතව දැනුම් දෙන තෙක් දැන ගැනීම පිණිස සහ ඉදිරි අවශ්‍ය කටයුතු සඳහා මෙසේ ඉදිරිපත් කරමි.
- තත්ත්වය තවදුරටත් බැරෑරුම් වුවහොත්ඛ්ජ් පුරාවිද්‍යා ස්ථාන ආරක්ෂා කර ගැනීම සම්බන්ධව දැඩි අර්බුදයකට ලක්විය හැක. මේ අනුව වහාම පුරාවස්තු ආරක්ෂණ කොට්ඨාශය දැනුවත් කොට ඉදිරි ක්‍රියාමාර්ග ගැනීමට අවශ්‍ය කටයුතු සිදු කරදෙනඉක් මෙන් කාරුණිකව ඉල්ලාා සිටිමි.
- මෙය පූර්ණ වශයෙන් දේශපාලන බලාධිකාරියේ මැදිහත්වීමෙන් සිදුවන ක්‍රියාවලියක් වන අතර ප්‍රාදේශීය ලේකම්වරුන් ඇතුළු ඇතැම් රාජ නිලධාරීන් ද මෙයට සහයෝගය දක්වන බව පෙනී යයි.
- මේ වන විට මඩකලපුව පුරාවස්තු ආරක්ෂණ කොට්ඨාශය හා රාජ්‍ය බුද්ධි සේවාවද මේ සම්බන්ධයෙන් දැනුවත් කොට ඇත.
ඩී.එස්.ඒ මුණසිංහ
ප්‍රාදේශීය සහකාර අධ්යක්ෂ (අම්පාර මඩකලපුව)
පිටපත්
සහකාර අධ්යක්ෂ (නිශ්චල දේපල) කා.දැ.ගැ.පි අ.ක.ස
සහකාර අධ්යක්ෂ (චංචල දේපල) කා.දැ.ගැ.පි අ.ක.ස
සහකාර අධ්යක්ෂ (නඩත්තු) කා.දැ.ගැ.පි අ.ක.ස
ප්‍රධාන අභ්‍යන්තර විගණක
කා.දැ.ගැ.පි අ.ක.ස
නීති නිලධාරී කා.දැ.ගැ.පි අ.ක.ස