ගැහැනු පිරිමි කරන, පිරිමි ගැහැනු කරන අලුත්ම මෙහෙයුම !

වටවල තේ ප්‍රවර්ධනය කිරීම සඳහා සකස් කරන ලද දැන්වීමක් හේතුකොටගෙන සමාජ මාධ්‍ය තුළ විශාල ආන්දෝලනයක් හටගෙන තිබේ. “කූඹියෝ” ටෙලිනාට්‍ය නිපද වූ ලකා හෙවත් ලක්මාල් ධර්මරත්න විසින් නිමවා ඇති ආන්දෝලනයට තුඩු දී ඇති දැන්වීම මගින්, ඉතා සියුම් ලෙස LGBTQ සුළුතර ලිංගික ප්‍රවණතා ප්‍රවර්ධනය කිරීම සිදු කර ඇතැයි බහුතර සමාජ මාධ්‍ය පරිශීලකයන්ගේ මතය වී තිබේ. එම කරුණ හේතුකොටගෙන “Sunshine Group” ආයතනයට අයිති වටවල තේ, සෙස්ටා ටී, රන් කහට, ඩේන්ටී ටොෆී හා හෙල්ත් ගාර්ඩ් ෆාමසි වර්ජනය කිරීමේ රැල්ලක් මේ වන විට සමාජ මාධ්‍ය ඔස්සේ නිර්මාණය වී තිබේ. අදාළ දැන්වීම ආරම්භ වන්නේ “Him, Her and Them” යන පාඨයෙනි. මෙය බටහිර රටවල LGBTQ ප්‍රජාව හැඳින්වීමෙහි ලා බහුලව යොදා ගනු ලබන පාඨයකි.

වටවල තේ “Him, Her and Them” වෙළෙඳ දැන්වීම

මේ අතර ඩයලොග්, බ්‍රැන්ඩික්ස්, මාස්, ජෝන් කීල්ස් වැනි ප්‍රමුඛ පෙලේ ආයතන ද තම සේවා ස්ථාන තුල සමරිසි ප්‍රජාව ඇතුලු LGBTQ ප්‍රවර්ධනය කිරීම සිදු කරමින් ඇතැයි අප වෙත වාර්තා වී තිබේ. මෙම ආයතන මෙකී ප්‍රවර්ධනය සිදු කරනු ලබන්නේ ජාත්‍යන්තර ශ්‍රේණිගත කිරීම් වෙතින් සිය ආයතනය ඉදිරියට ඔසවා තැබීමේ අරමුණින් බව ද එම ආයතන ආරංචි මාර්ග පවසයි.

ජනප්‍රිය පුවත් ගමට යන්න එපා! රහස් පොලිසිය අනතුරු අඟවයි!

වර්තමාන ආණ්ඩුව බලයට පත්වීමෙන් පසුව මෙම සුළුතර ලිංගික ප්‍රවණතා මානුෂීය දවටනයක ඔතා ප්‍රවර්ධනය කිරීම රාජ්‍ය හා පෞද්ගලික යන අංශ දෙකෙහිම වර්ධනය වී තිබේ. මේ වන විට රජයේ රෝහල් වලින් ගැහැණු පිරිමි බවටත්, පිරිමි ගැහැණු බවටත් පත් කෙරෙන සහතිකයක් ලබාදීම ද ආරම්භ වී ඇත්තේ ඒ අනුවය. මාස 6 ක කාලයක් ඕනෑම රජයේ රෝහලක මානසික වෛද්‍ය ඒකකයේ ලියාපදිංචි වී සිටීමෙන් පසුව කැමැති පුද්ගලයකුට මෙම සහතිකය ලබා ගැනීමේ හැකියාව දැන් හිමි වී තිබේ. මේ පිළිබඳව අප වෙත කරුණු පැහැදිලි කළ, නම හෙළි කිරීමට අකමැති වූ රජයේ රෝහලක සේවය කරන විශේෂඥ වෛද්‍යවරයකු පවසා සිටියේ,

“සහතිකය ගන්න තියෙන එකම සුදුසුකම තමයි, තමන්ට තමන් විරුද්ධ ලිංගිකයකු වශයෙන් හැඟීම. ඒ කියන්නෙ අපි හිතමු අවුරුදු 40 ක පිරිමියෙකුට ඒ වයසෙදි හිතෙන්න ගන්නවා තමන් පිරිමියෙක් නෙමෙයි, ගැහැනියෙක් කියලා. අන්න එතකොට රජයේ රෝහලක ලියාපදිංචි වෙලා මාස 6 ක් ගියාට පස්සෙ සහතිකයක් ලැබෙනවා ඒ පිරිමියා ගැහැනියක් කියලා. ඊට පස්සේ එයාට පුළුවන් මේ සහතිකය ඉදිරිපත් කරලා උප්පැන්න සහතිකයයි, ජාතික හැඳුනුම්පතයි වෙනස් කර ගන්න. මේ එක සහතිකයෙන් පුළුවන් ගැහැනියෙක් පිරිමියෙක් කරන්නත්, පිරිමියෙක් ගැහනියෙක් කරන්නත්…”

යනුවෙනි.

ජනප්‍රිය පුවත් හර්ෂව උස්සන්න! ඉන්දීය මහ කොමසාරිස් කියයි.

මෙම වාර්තාව සමග අදාළ සහතිකයේ ඡායාරූප ද අප අන්තර්ගත කර තිබේ.

සමාජයීය සංක්‍රාන්තිකරණය (Social Transitioning) සිදු කිරීම මේ මගින් සිදු කෙරේ. එය නෛතික සංක්‍රාන්තිකරණය (Legal Transitioning) යනුවෙන් ද හඳුන්වනු ලබයි. ඉන් අනතුරුව හඳුන්වා දෙනු ලබන්නේ වෛද්‍යමය සංක්‍රාන්තිකරණය (Medical Transitioning) යි. තම උප්පැන්න සහතිකය හා වෙනත් අනන්‍යතා ලේඛන මගින් පිරිමියකු ගැහැනියකු බවටත්, ගැහැනියකු පිරිමියකු බවටත් පිළිගත් විට ගැහැනු සහ පිරිමි වශයෙන් වෙන් කොට ඇති විවිධ සමාජයීය අවස්ථාවන්ට ඉදිරිපත් වීමට මෙකී විකෘති අනන්‍යතා හිමිකරුවන්ට අවස්ථාව උදා වේ.

ජනාධිපති අනුර කුමාර ජයග්‍රහණය කරන ලද ජනාධිපතිවරණයට ඉදිරිපත් කර තිබූ ප්‍රතිපත්ති ප්‍රකාශනයේ 77 සහ 78 පිටුවල දෙවැනි මාතෘකාවේ තුන්වෙනි උප මාතෘකා යටතේ (නිදහස් ස්ත්‍රී – පුරුෂ සමාජභාවයක් – සාධාරණ මිනිස් අනන්‍යතාවයක් නමින්) සඳහන් කර ඇත්තේ මෙම සුළුතර ලිංගික ප්‍රවණතා ප්‍රවර්ධනය කරනු ලබන බවයි. දැන් සියල්ල සිදුවෙමින් ඇත්තේ ඒ අනුව බව පැහැදිලි වේ.

Underground විශේෂ වාර්තාකරු