අලියා පිළිස්සු වීඩියෝව, සිසුවා අලි අමාරුවක දමයි!
1 min read
අනුරාධපුර මිහින්තලේ පොලිස් වසමේ සීප්පුකුලම අඹගහවෙල ප්රදේශයේ සිදුවූ වන අලි හිංසන සිද්ධියක් හෙළිදරව් කිරීමට එය වීඩියෝගත කළ විශ්වවිද්යාල සිසුවකු මේ වන විට දැඩි අසාධාරණයකට මුහුණ දී සිටින බව අනාවරණය වෙයි.
සිද්ධිය වීඩියෝගත කිරීමට භාවිත කළ සිසුවාගේ ජංගම දුරකතනය වනජීවී නිලධාරීන් ඔවුන්ගේ භාරයට ගෙන ඇති අතර, එය මෙතෙක් සිසුවාට නැවත ලබා නොදීමෙන් ඔහුගේ අධ්යාපන කටයුතු පවා දැඩි අවදානමකට ලක්ව ඇතැයි ඥාතීහු පවසති.
ජනවාරි මාසයේ පැවැත්වීමට නියමිත විශ්වවිද්යාල විභාග සඳහා අවශ්ය විෂයය සටහන්, අධ්යයන දත්ත සහ පෞද්ගලික ලේඛන එම ජංගම දුරකතනය තුළ පවතින බව සිසුවා වනජීවී නිලධාරීන් ඉදිරියේ ප්රකාශ කර ඇත. එහෙත් එම දුරකතනය නැවත ලබා නොදීම හේතුවෙන් ඔහු දැඩි මානසික කම්පනයකට පත්ව සිටින බව ද සඳහන්වේ.
මෙම තත්ත්වයට පසුබිම වන්නේ, සීප්පුකුලම අඹගහවෙල ප්රදේශයේ දී කිසියම් පිරිසක් වන අලියකුට පන්දම්වලින් පුළුස්සා අමානුෂික ලෙස හිංසා කළ ඛේදජනක සිද්ධියකි.
